【 日本 】沖繩石垣島 - 住得舒適，玩得招積！

沖繩石垣島5月開始氣溫上升及海水回暖，水面水底活動紛紛出爐，本土日本人開始在當地尋找渡假地方，外島一帶的沙灘Resort通常一早爆滿，要享受世外桃園及陽光與海灘就要早D霸位啦！

如果到石垣島旅行，川平灣將是一個不可錯過的景點，而且還被稱為「石垣島最美之地」。最引人入勝的當然係海底珊瑚礁及清過泳池水既海水，不過因為川平灣本身水流較急，唔適合游水及浮潛之類的活動，跳唔到落海扮保礦力女郎，飲恨呀！

由市區乘巴士到川平灣約需1小時，租車係最佳既選擇，或者坐的士去也可以，單程收費大約3,000日元( 超貴> < )。或者好似我們一樣，選擇直接住在川平灣附近。Resort塵落川平灣旁，坐享川平灣無敵靚海景，加上resort擁有適合遊泳及浮潛的私人沙灘，真正可以隨時跳入水親親珊瑚魚。

【 日本 】沖繩石垣島 - 飄過浮華大海

冲繩石垣島出晒名水清沙灘靚，更有日本夏威夷之稱，就連日本百選沙灘都有幾個響左近，真係靚灘密過便利店。而且這裡的海水清晰度可以用玻璃水來形容，並非講笑，站在沙灘上，海中的珊瑚及黃藍色小珊瑚魚清楚可見，色彩鮮豔的魚仔穿梭在珊瑚礁中，去潛水都可以慳返！

【 防彈，鬼信咩！ 】
我們入住的川平灣Club Med度假村，內裡有一種非常特別的活動，人人熱衷，每次都要排隊先有得玩，它就是「水晶獨木舟」。雖然係香港西貢都玩過獨木舟，但來到石垣島這個玻璃色的琉球之海，感覺盡是不同，又點可以唔一試呢?

水晶獨木舟有別於一般獨木舟，小艇以全透明物料制作，工作人員更笑說用槍都射唔穿，哈哈，反正我們就不信了！但透明纖維物料保養得非常之好，幾乎沒有花痕，讓水底珊瑚景觀一覽無遺，要一讚! 不過座墊略為淺窄，屁股稍大都會出界，肥人免問。水晶獨木舟在操控上比普通獨木舟有較大難度，有時候轉彎會不受控制的360度旋轉，一個人亦比兩個人更難平衡。不過註場的教練都樂意幫你一把，而此獨木舟重點在於觀賞用，於美麗的川平灣泛舟海上，很多情侶玩到樂而忘返拒絕還艇，心裡暗想：「比我到手，一定日落前都唔返來！」