【細味旅途 TASTY LIFE 】- 日本篇 JAPAN

2010年7月20日

日本有大大小小的拉麵店，有日本第一、有牛肉第一、有湯底第一，有的甚至計算好材料或貨品來源來推廣！其實基本上係日本食乜都係咁好味，無可否認香港人係 崇日的，不說餐廰，就算超市的小食也別有一番風味，沒辦法...因為日本嘛，當然包括我們這兩個日本愛好者。至於Nat及Hiro的日本一"拉麵"，一定 是周圍都有分店既"神座拉麵"，原因好簡單...好食囉^^多謝!! :D

【細味旅途 TASTY LIFE 】- 日本篇 JAPAN

2010年7月19日 

可能大家到過日本很多次，但有機會的話我們也很推薦大家試一次坐船去，那個震撼力絕對非筆墨所形容，看著九洲由遠而近，看著連接本州及九州的"関門橋"由頭上經過那觸手可及的感覺，和那微微的海風不斷吹著吹著，我倆真的很想大叫.."好鍾意日本呀!!"

http://www.facebook.com/photo.php

【最好的時光 MAGIC MOMENT】上雜誌訪問呀 - 2 !!

  
原來今期仲有份，雖然係細細篇，但都有我地兩個乜頭喎，而且仲有我地狂掃新假期既證據，哈哈！比人發現左tim^^多謝呀黃小寶！

【最好的時光 MAGIC MOMENT】上雜誌訪問呀!!

阿媽我地得左啦!!! 我地上封面呀~~ 

我地這幾個星期同記者朋友一齊努力既心血，個仔終於都出世啦，除左有6頁內容，仲有個超靚封面呀，好有驚喜。我地要多謝新假期，多謝阿爸阿媽，多謝各位朋友，多謝黃小寶，多謝我地部相機，仲要多謝我地樓下報紙檔亞姐...(下刪300字...) 

大家記住買本支持下呀!!!

【細味旅途 TASTY LIFE 】- 中國篇 CHINA

2010年7月18日

第一次由中國坐船到日本，船程要用3曰2夜才能到達，除左日出日落陪住我地之外，其餘活動就係自娛啦。我地試過係船頭吹吹風...係好大既風><，又試過係船上吐口水落海，再係三樓走去二樓一樓再上返三樓來回幾次，而最開心既就係跳船...當然唔係跳落海，只係在船上周圍跳，呢個活動真係好配合我地兩個既性格，我地跳得開心之餘...周圍的人都睇得好開心！哈哈！！

【細味旅途 TASTY LIFE 】- 中國篇 CHINA

2010年7月14日 

有睇過龍珠嗎？龜仙的的絶招除左"龜波氣功"外，仲有一招就係"魔封波"，話說我地兩個有一日係上海無所事事，就搵左一個商場門口試下影奇怪相，試下試下就比我地試出"龜波氣功"同"魔封波"啦，都咪話唔勁！龜仙人都要甘拜下風吧！

【細味旅途 TASTY LIFE 】- 中國篇 CHINA

2010年7月11日 

大家唔好比張相嚇親，呢張只係一次夜攝周庄街道時影既平凡相片，果日夜攝時set好晒腳架，點知一影就比兩個同胞擋住左，唯有再影過其他幾張。 

之後一直都冇發覺仲有呢張相係電腦度，都係呢幾日整理相片時先再發現佢，而呢張相最詭異係個小朋友既回望...不過千祈唔好轉載去第二度，費事啲迷信人又話係鬼鬼怪怪推佢上埋頭條...呵呵呵~