【最好的時光 MAGIC MOMENT】上報紙訪問呀

我們上"明報"報紙 - 旅遊狂人

今日我們的報紙訪問出街啦，個標題真係令我地驚喜萬分，旅遊狂人呀...竟然可以跟"卡達菲"同一級數，真係好勁呀!!大家快D去買份黎睇下啦，只係今日有售，聽日冇得賣架啦^^

【細味旅途 TASTY LIFE 】- 日本篇 JAPAN

2010年7月24日

野生生蠔大家可能試過，但親手捉野生生蠔可能大家就未玩過啦！在新潟海岸邊除左美麗的陽光海灘外，還發現了一班小朋友在努力潛水...潛水為乜??登登登登...就是野生生蠔啦，一直以為生蠔很難捉，但細看一會就發現那些小孩用不夠一分鐘時間就可以捉到十多隻，還要是大大隻的那一種，超乎想像的多及容易。

看到小孩捉得那樣興高采烈，Hiro就好以超人咁除衫準備下海一試身手，但這個舉動把小孩們都嚇得目定口呆，還以為他來搶生蠔...哈哈！那時的感覺真的很好笑！經過一輪雞同鴨講之後，小孩便給Hiro加入(其實是強迫的^^)，他下海不到一分鐘便捉到幾隻生蠔回來，我們當然急不及待開了兩隻即場試食...嘩！好味到不得了！新鮮加上海水的味道，那怕只是普普通通的日本生蠔，野生就是野生！生蠔本來就應該是這樣食的！

美味しい^^

【細味旅途 TASTY LIFE 】- 日本篇 JAPAN

 2010年7月23日

作為日本大米之鄉，新潟沒有東京那樣的繁華，但郤有一種不平凡的特別魅力！這裡不大，在單車場租一輛單車穿梭整個城市是一件非常賞心的事，當穿過了火車站旁的商業區，便會看到一條比城門河靚十倍的"信濃川"，沒講錯！真的靚十倍，河道兩旁盡是廣闊的翠綠草地，加上一條長長的單車徑及跑步徑，心曠神怡到呢！

河的對岸就是住宅區，全是小小的低層日式住宅，在這裡慢遊就像進入叮噹場景入面一樣，充滿漫畫色彩。再深入又是另一個世界，穿過住宅區就是一望無際的大海，有陽光有沙灘有美女有生蠔！嘩~還有那條一望無際的單車徑...沿海架！點同你玩呀~靚到咁^^

【細味旅途 TASTY LIFE 】- 日本篇 JAPAN

2010年7月22日

有得玩的地方我地會盡興，至於冇得玩的地方我地就自娛，呢個就係我地旅行的態度！今次搵來叻叻示範一下無聊扮殭屍...真係好無聊:D

【細味旅途 TASTY LIFE 】- 日本篇 JAPAN

2010年7月20日

日本有大大小小的拉麵店，有日本第一、有牛肉第一、有湯底第一，有的甚至計算好材料或貨品來源來推廣！其實基本上係日本食乜都係咁好味，無可否認香港人係 崇日的，不說餐廰，就算超市的小食也別有一番風味，沒辦法...因為日本嘛，當然包括我們這兩個日本愛好者。至於Nat及Hiro的日本一"拉麵"，一定 是周圍都有分店既"神座拉麵"，原因好簡單...好食囉^^多謝!! :D

【細味旅途 TASTY LIFE 】- 日本篇 JAPAN

2010年7月19日 

可能大家到過日本很多次，但有機會的話我們也很推薦大家試一次坐船去，那個震撼力絕對非筆墨所形容，看著九洲由遠而近，看著連接本州及九州的"関門橋"由頭上經過那觸手可及的感覺，和那微微的海風不斷吹著吹著，我倆真的很想大叫.."好鍾意日本呀!!"

http://www.facebook.com/photo.php

【最好的時光 MAGIC MOMENT】上雜誌訪問呀 - 2 !!

  
原來今期仲有份，雖然係細細篇，但都有我地兩個乜頭喎，而且仲有我地狂掃新假期既證據，哈哈！比人發現左tim^^多謝呀黃小寶！

【最好的時光 MAGIC MOMENT】上雜誌訪問呀!!

阿媽我地得左啦!!! 我地上封面呀~~ 

我地這幾個星期同記者朋友一齊努力既心血，個仔終於都出世啦，除左有6頁內容，仲有個超靚封面呀，好有驚喜。我地要多謝新假期，多謝阿爸阿媽，多謝各位朋友，多謝黃小寶，多謝我地部相機，仲要多謝我地樓下報紙檔亞姐...(下刪300字...) 

大家記住買本支持下呀!!!

【細味旅途 TASTY LIFE 】- 中國篇 CHINA

2010年7月18日

第一次由中國坐船到日本，船程要用3曰2夜才能到達，除左日出日落陪住我地之外，其餘活動就係自娛啦。我地試過係船頭吹吹風...係好大既風><，又試過係船上吐口水落海，再係三樓走去二樓一樓再上返三樓來回幾次，而最開心既就係跳船...當然唔係跳落海，只係在船上周圍跳，呢個活動真係好配合我地兩個既性格，我地跳得開心之餘...周圍的人都睇得好開心！哈哈！！

【細味旅途 TASTY LIFE 】- 中國篇 CHINA

2010年7月14日 

有睇過龍珠嗎？龜仙的的絶招除左"龜波氣功"外，仲有一招就係"魔封波"，話說我地兩個有一日係上海無所事事，就搵左一個商場門口試下影奇怪相，試下試下就比我地試出"龜波氣功"同"魔封波"啦，都咪話唔勁！龜仙人都要甘拜下風吧！