【細味旅途 TASTY LIFE 】

旅遊達人Nat & Hiro 花了473天的時間，跨過四次赤道，踏足六大洲三大洋，逾100,000公里的水陸路程, 遊走45個國家、涉足200多個城市，48700次快門，記錄兩個人的環球旅行！

用4分鐘的時間，帶你一起走進我們4百多天的環遊世界之旅，準備好就出發吧！

我們的FB : www.facebook.com/nathiro.planetjourney

【最好的時光 MAGIC MOMENT】上電視上電視

Watching our traveling photos in TV is so great and funny cos it was showing another world travel couple from Korea, Jun and Juwon, whom we met and chatted all night in a hostel of Guatemala.
2 couples, 4 smiling faces. We like it so much! :)

【細味旅途 TASTY LIFE 】- 日本篇 Japan

2010年7月25日

JR Pass在日本是一件很有用的慳錢工具，它成為了我們這次遊日的良伴。它可以自由乘坐不同的JR交通工作，包括火車、巴士、船甚至買野食都有優惠，不過要數最好用的地方，一定是乘坐夜火車及巴士。

這次日本30日之旅我們就有20日睡在火車及巴士上，如果住宿每晚500元港幣計算，差唔多慳左10000港幣，你話係咪好抵呢！但有得必有失，訓火車巴士絶對唔可以講係舒適既體驗，最差既時候試過坐"硬座"過一晚，真係訓到腰都直埋！

如果大家有興趣一試既話，可以試坐由"高松 - 東京 サンライズ出雲・瀬戸"(日出瀨戶號)，這班夜火車可以算是普通JR Pass可以選乘的最好夜火車，車箱內分為上下兩層的通鋪，雖然沒有軟毯，但勝在有獨立的空間可以平睡，對比其他的它算是非常舒適！有機會要一試啊！！

【最好的時光 MAGIC MOMENT】上報紙訪問呀

我們上"明報"報紙 - 旅遊狂人

今日我們的報紙訪問出街啦，個標題真係令我地驚喜萬分，旅遊狂人呀...竟然可以跟"卡達菲"同一級數，真係好勁呀!!大家快D去買份黎睇下啦，只係今日有售，聽日冇得賣架啦^^

【細味旅途 TASTY LIFE 】- 日本篇 JAPAN

2010年7月24日

野生生蠔大家可能試過，但親手捉野生生蠔可能大家就未玩過啦！在新潟海岸邊除左美麗的陽光海灘外，還發現了一班小朋友在努力潛水...潛水為乜??登登登登...就是野生生蠔啦，一直以為生蠔很難捉，但細看一會就發現那些小孩用不夠一分鐘時間就可以捉到十多隻，還要是大大隻的那一種，超乎想像的多及容易。

看到小孩捉得那樣興高采烈，Hiro就好以超人咁除衫準備下海一試身手，但這個舉動把小孩們都嚇得目定口呆，還以為他來搶生蠔...哈哈！那時的感覺真的很好笑！經過一輪雞同鴨講之後，小孩便給Hiro加入(其實是強迫的^^)，他下海不到一分鐘便捉到幾隻生蠔回來，我們當然急不及待開了兩隻即場試食...嘩！好味到不得了！新鮮加上海水的味道，那怕只是普普通通的日本生蠔，野生就是野生！生蠔本來就應該是這樣食的！

美味しい^^

【細味旅途 TASTY LIFE 】- 日本篇 JAPAN

 2010年7月23日

作為日本大米之鄉，新潟沒有東京那樣的繁華，但郤有一種不平凡的特別魅力！這裡不大，在單車場租一輛單車穿梭整個城市是一件非常賞心的事，當穿過了火車站旁的商業區，便會看到一條比城門河靚十倍的"信濃川"，沒講錯！真的靚十倍，河道兩旁盡是廣闊的翠綠草地，加上一條長長的單車徑及跑步徑，心曠神怡到呢！

河的對岸就是住宅區，全是小小的低層日式住宅，在這裡慢遊就像進入叮噹場景入面一樣，充滿漫畫色彩。再深入又是另一個世界，穿過住宅區就是一望無際的大海，有陽光有沙灘有美女有生蠔！嘩~還有那條一望無際的單車徑...沿海架！點同你玩呀~靚到咁^^

【細味旅途 TASTY LIFE 】- 日本篇 JAPAN

2010年7月22日

有得玩的地方我地會盡興，至於冇得玩的地方我地就自娛，呢個就係我地旅行的態度！今次搵來叻叻示範一下無聊扮殭屍...真係好無聊:D

【細味旅途 TASTY LIFE 】- 日本篇 JAPAN

2010年7月20日

日本有大大小小的拉麵店，有日本第一、有牛肉第一、有湯底第一，有的甚至計算好材料或貨品來源來推廣！其實基本上係日本食乜都係咁好味，無可否認香港人係 崇日的，不說餐廰，就算超市的小食也別有一番風味，沒辦法...因為日本嘛，當然包括我們這兩個日本愛好者。至於Nat及Hiro的日本一"拉麵"，一定 是周圍都有分店既"神座拉麵"，原因好簡單...好食囉^^多謝!! :D

【細味旅途 TASTY LIFE 】- 日本篇 JAPAN

2010年7月19日 

可能大家到過日本很多次，但有機會的話我們也很推薦大家試一次坐船去，那個震撼力絕對非筆墨所形容，看著九洲由遠而近，看著連接本州及九州的"関門橋"由頭上經過那觸手可及的感覺，和那微微的海風不斷吹著吹著，我倆真的很想大叫.."好鍾意日本呀!!"

http://www.facebook.com/photo.php

【最好的時光 MAGIC MOMENT】上雜誌訪問呀 - 2 !!

  
原來今期仲有份，雖然係細細篇，但都有我地兩個乜頭喎，而且仲有我地狂掃新假期既證據，哈哈！比人發現左tim^^多謝呀黃小寶！