【 印尼 】峇里島平民版天空之鏡

「天空之鏡」大家都知道是南美國家玻利維亞的代名詞，無盡的鹽湖鋪上一層薄薄的水，令鹽湖變成一片大鏡倒照天空！想睇下有幾靚？上網搜尋一下就知道(真慶幸我們曾親身感受過，哈哈)。

不過南美咁鬼遠，唔係話去就去到，但原來近近地既印尼峇里島，都有一個類似既美景。一個唔洗跟團去之餘又唔洗錢，仲要係市區行過去都唔洗10分鐘，地點就位於Kuta Beach附近的Discovery Shopping Mall對出，真係估都估唔到。

不過要睇到靚景就要夾下時間，一定要在退潮時間才有機會睇到，因為Kuta沙灘得天獨厚的平地形，退潮時沙灘上的黑沙(其實好似泥)就會露出，黑沙更會Keep住一層薄薄的水，如果再加上日落時份……恭喜晒！「峇里天空之鏡」就會出現！

P.S. 小心沙灘上的垃圾，及留意潮漲。

【前往方法】 
Discovery Shopping Mall 行出去左手邊