【 日本 】沖繩石垣島 - 豪食派對

又來說石垣島，不過今次唔介紹風景，而是講食物，但卻不是專業食評，只是講一下當地幾天住宿的豪飲豪食晒下命！

入住Club Med最好之處是一個價錢包食包住包玩包傾計！一日三餐完全不用發愁，晨早起身食個早餐才出海玩，玩到中午又來一個豪華自助餐，食飽飽又去參加不同活動浪費體力，日落時份回到餐廳乖乖坐定等食不同沖繩料理，晚飯後抱住個大肚腩去睇Show跳舞酒吧直落，點會唔肥呢？

不過當中有兩件事必定要一讚，其一離不開食物質素，每日自助餐食物選擇極多，而且沖繩本土料理及中國料理分配合適，炒粉麵飯樣樣有，而且味道還算不錯。每日還會有不同特式頭盤，極力推薦沖繩炒苦瓜，苦瓜配上洋蔥、豆腐、雞蛋絲等，非常好食。每日晚上的特別料理也是期待之作，當中有幸品嚐石垣名物「石垣牛」，更是值回票價！

另一項是酒店的一個很好安排，所有G.O.( Gentil Organisateur) 都要在午餐時間與客人同桌食飯，傾傾計與客人打成一片，又可以順便介紹一下酒店內活動及服務，完全打破一般酒店員工的冷酷感。而且還會跟據客人不同的語言來安排入坐，唔會雞同鴨講，不過冇乜識講廣東話的員工存在，大家不訪考慮下加入啦。

實用資料：
Club Med Kabira Beach
http://www.clubmed.com.hk/