桂林ClubMed係我地第二間入住的ClubMed度假村，上次係2013年既沖繩石垣島，就係因為佢令我地見識到沖繩既陽光海灘及絶美一面，所以連我地結婚都係選擇沖繩！
今次玩桂林又係另一個體驗，對上一次桂林遊係窮backpacker玩法，食住都要慳住玩！今次就唔同啦，完完全全將桂林既印象改變，估唔到桂林都可以潮玩，而且仲玩到唔捨得走XD
渡假村有一貫既ClubMed的年輕風格，再配合桂林山水，都幾得意。桂林Club Med可以有幾靚？睇相就知啦！渡假村外圍是秀麗的小石山，園內就有過百藝術品裝飾，每一處都充滿中國風及藝術氣息，完全將「桂林山水」私人化！
每日係湖景山景之間享受假期，想玩乜就乜，好動人可以參加戶外活動，空中飛人、踩單車、游水、行山及攀岩樣樣有齊，唔想曬親又可以去學跳舞、功夫、yoga、煮餸、品酒及做個靚SPA，真係有排玩。(某些項目要另外收費，記住查詢一下)
今次我地選擇左去踩單車！可能係其他國家踩單車實在過癮，之前新加坡有沿海單車徑，今次桂林就有好山好水小村莊！
渡假村每日都有踩單車團到村外遊，而且次次路線都唔同，不過因為人多關係，好難細心留意路上風景。所以這次專登脫離主車群，慢慢墮後...直至主車群在眼前消失，整條馬路再次變回寧靜的鄉郊小路，踩著看著沿途的綠田奇山，感覺難以想像！
夜晚就梗係唔少得食個豐富既自助晚會，再睇埋ClubMed G.O. 既獨有歌舞表演，然後再去酒吧飲返杯吹下水，每一日都超盡興！！
Club Med 中國桂林
地址：桂林市雁山區大埠鄉
查詢：www.clubmed.com.hk
沒有留言:
發佈留言