【 日本 】沖繩石垣島 - 飄過浮華大海

冲繩石垣島出晒名水清沙灘靚，更有日本夏威夷之稱，就連日本百選沙灘都有幾個響左近，真係靚灘密過便利店。而且這裡的海水清晰度可以用玻璃水來形容，並非講笑，站在沙灘上，海中的珊瑚及黃藍色小珊瑚魚清楚可見，色彩鮮豔的魚仔穿梭在珊瑚礁中，去潛水都可以慳返！

【 防彈，鬼信咩！ 】
我們入住的川平灣Club Med度假村，內裡有一種非常特別的活動，人人熱衷，每次都要排隊先有得玩，它就是「水晶獨木舟」。雖然係香港西貢都玩過獨木舟，但來到石垣島這個玻璃色的琉球之海，感覺盡是不同，又點可以唔一試呢?

水晶獨木舟有別於一般獨木舟，小艇以全透明物料制作，工作人員更笑說用槍都射唔穿，哈哈，反正我們就不信了！但透明纖維物料保養得非常之好，幾乎沒有花痕，讓水底珊瑚景觀一覽無遺，要一讚! 不過座墊略為淺窄，屁股稍大都會出界，肥人免問。水晶獨木舟在操控上比普通獨木舟有較大難度，有時候轉彎會不受控制的360度旋轉，一個人亦比兩個人更難平衡。不過註場的教練都樂意幫你一把，而此獨木舟重點在於觀賞用，於美麗的川平灣泛舟海上，很多情侶玩到樂而忘返拒絕還艇，心裡暗想：「比我到手，一定日落前都唔返來！」

【 私人觀魚潛水艇 】
好，出發！飄浮的感覺好到不得了，就似在水面上飛翔一樣，水底的珊瑚及小魚低頭即見，就算到水深位置一樣清澈見底，果然利害! 看著小小珊瑚魚就在你屁股以下遊走，間中亦會發現海星及女士最愛的小丑魚Mo仔出現，看到魚時大家都在小艇上依嘩鬼叫，實在興奮! 我發現，在水晶獨木舟上看魚也是一門學問，在浮的獨木舟上座著擘開大髀這一下已經甚為困難，再加低頭看魚的姿勢確實捱不了一分鐘就腰痛，還未計追魚時左擰右擰，真係要小心反艇，一個失手就要游返去啦！

實用資料：
Club Med Kabira Beach
交通：從石垣島機場乘專車約 30 分鐘
網頁： http://www.clubmed.com.hk

沙灘還有不同的獨木舟選擇

日籍靚女教練任教，好細心架

風帆課程都唔洗錢，全包

看到水底嗎？應該有2米水深

偷影沙灘上的美女

玻璃艇唔可以衝上岸，如果唔係會整花個底

水質非常清，珊瑚中的藍色小魚清晰可見！