【 日本 】- 跟著JR遊九州(一)

要玩透日本九州，除左自駕外JR係另一個非常方便的選擇！飛機到達褔岡機場後，第一時間就係到博多站買JR pass，今次決定用北九州5天火車証，超平1萬日元搞掂，只要係博多站JR綠色窗口即買就可以即用，方便到極!!

買左pass後記住先預訂來緊幾日的火車指定席，咁就唔洗咁麻煩成日去綠色窗口，又可以次次數有位坐啦！如果等火車仲有時間，推介大家去火車站旁 KITTE Hakata 行下街，其中9樓有港人最愛"築地壽司清”，呢間分店出名以平民價錢就可以享受築地每日直送美食，1500日元起已經有個套餐，好抵!!

唔係餐廳食的話，其實仲有另一個好選擇，在日本坐JR最開心就係可以自己買便當上火車食，每個火車站都有幾十種不同選擇，例如熊本站就當然一定要試熊本熊同佐賀牛便當啦。

如果有機會，一定要預約由布院之森「ゆふいんの森」列車，它是九州最熱門的觀光列車之一，亦是旅人們必搭的北九州觀光列車。當中隨了會經過一些迷人景點外，絕對不能錯過它的大玻璃窗餐車，坐係窗邊一路食一路睇風景，好有日本風情畫feel。